• Die Kaapse galaxia is ‘n klein, silindriese vis sonder skubbe. Omdat hy ‘n bleekbruin kleur het, kan roofdiere hom nie maklik raaksien in die bruin waterstrome van die Kaap nie.
• Hierdie visse leef in die strome en riviere van die Olifantsrivier op die Weskus tot by die Keurboomsrivier op die Suidkus. Hulle aas op klein, ongewerweldede diere.
• Die Kaapse galaxia is verwant aan die varswatervis in Suid-Amerika, Australië en Nieu-Seeland. Wetenskaplikes meen dat hierdie visfamilie verdeel is toe die kontinente uitmekaar gedryf het.

Het jy geweet?

• Die Kaapse galaxia is endemies aan die Kaapse Floristiese Streek.
• Hulle het voorheen baie algemeen van bergstrome af tot by laaglandriviere en vleilande in die Kaap voorgekom, maar in Kaapstad het die getalle afgeneem.
• Die meeste riviere en vleilande in Kaapstad is deur boerdery- en stedelike ontwikkeling, kanalisering en besoedeling gedegradeer.
• Indringerplante en -diere het bygedra tot die degradasie van riviere. Vissoorte soos die forel en baars is honger roofdiere. Hulle het in baie riviere en vleilande waarheen hulle ingevoer is, al die klein inheemse vissoorte uitgewis.

 

Die Oog

• Volg die voorbeeld van gemeenskappe wat besig is om hul plaaslike riviere, vleilande en damme skoon te maak en inheemse spesies weer daarin terug te plaas. By die Oog, 'n historiese dam by Bergvliet, het bewaringsorganisasies die inwoners gehelp om indringervisse uit die dam te verwyder en die Kaapse galaxia weer daarin terug te plaas. Hulle het ook wilde-eende met inheemse eende vervang.
• Moenie indringervisse (goudvis, baars, forel, ens.) in dreineerpype, riviere, vleilande of damme vrylaat nie. Indien jy indringervisse soos goudvisse, wil aanhou, moet jy seker maak dat jy hulle aanhou in ‘n vistenk of in ‘n poel wat geen uitlaatpyp na ‘n stroom of vleiland het nie. Neem hulle terug na die troeteldierwinkel as hulle te groot word vir die tenk of poel.
• Jy moet ‘n permit van CapeNature (Kaapse Natuurbewaring) verkry as jy inheemse varswatervisse wil aanhou.

• ‘n Klein kritiek bedreigde vis genaamd die Bergrivierrooivlerkie (Pseudobarbus burgi) het voorheen in die Eersterivier voorgekom. Deesdae het hy in Kaapstad uitgesterf omdat die reënboogforel ongeveer 100 jaar gelede in die rivier ingevoer is en hulle het al die rooivlerkies verorber.
• Die Kaapse kurper (Sandelia capensis) is ‘n inheemse tilapia. Hy word groter as die Kaapse galaxia en die Bergriviervlerkie, en kom meer algemeen in die laagland-riviere en vleilande as in bergstrome voor. Hulle kom ook voor in riviere wat gedegradeer het en deur indringerspesies ingeneem is.